Monday, September 25, 2006

ನಂಗೆ ಅಳೋಕ್ಕೂ ಬರತ್ತೆ

Few of my friends complain that I always show them the happy , smiling pics of Nishu hiding all his bad moments from them. I have to confess that usually he will be in a good mood when I have camera in my hand (or vise versa?). Still I managed to take these 2 pics , one in Jan and the other one in March 2006 when he was crying and just finished crying. Doesn't he look cute anyway?




ಬರೀ ನಗ್ತಾ ಇರೋ ನಿಶು ಫೋಟೋಗಳ್ನೇ ತೋರಿಸ್ತೀಯ ನಮ್ಗೆ ಅಂತ complaint ಮಾಡೋವ್ರಿಗೆಲ್ಲಾ ತೋರಿಸೋಕ್ಕೆ ಎರಡೇ ಎರಡು ಅಳೋ ಚಿತ್ರಗಳು- ನಿಶೂದು. ಜೊತೆಗೆ ಕನ್ನಡದ ಜಾನಪದ ಕಣಜದಿಂದ ಆಯ್ದ ಮೂರು ಮುತ್ತುಗಳು - ಅಳುವಾಗಲೂ ಮುದ್ದು ಸುರಿಯುವಂತೆ ಮಾಡೊ ಮ್ಯಾಜಿಕ್ ಗೊತ್ತಿರೋ ಎಲ್ಲ ಕಂದಮ್ಮಗಳಿಗೂ........

ಅಳುವ ಕಂದನ ತುಟಿಯು ಹವಳಾದ ಕುಡಿ ಹಂಗೆ
ಕುಡಿ ಹುಬ್ಬು ಬೇವೀನ ಎಸಳ್ಹಂಗೆ ಕಣ್ಣೋಟ
ಶಿವನ ಕೈಯಲುಗು ಹೊಳೆದಂಗೆ........

ಅತ್ತಾರೆ ಅಳಲವ್ವ ಈ ಕೂಸು ನಮಗಿರಲಿ
ಕೆಟ್ಟಾರೆ ಕೆಡಲಿ ಮನೆಗೆಲಸ ಹೊರೆಗೆಲಸ
ಮಕ್ಕಳಿರಲವ್ವ ನಿನ್ನಂಥಾ..........

ಯಾಕಳುವೆ ಎಲೆ ರಂಗ ಬೇಕಾದ್ದು ನಿನಗೇನು
ನಾಕೆಮ್ಮೆ ಕರೆದ ನೊರೆಹಾಲು ಸಕ್ಕರೆ
ನೀ ಕೇಳಿದಾಗೆಲ್ಲ ಕೊಡುವೇನೂ...........

ಈ ಹಾಡುಗಳ ಜೊತೆಗೇ ಅಣ್ಣಾವ್ರು ಕಾಮನ ಬಿಲ್ಲು-ನಲ್ಲಿ ಹಾಡಿದ್ದ ಹಾಡಿನ ಎರಡು ಸಾಲು ನೆನೆಪಿಗೆ ಬರ್ತಿದೆ. ಮರೆತು ಹೋಗೋ ಮುಂಚೆ ನಿಮ್ಮ ಜೊತೆ ಹಂಚಿಕೊಂಡು ಬಿಡ್ತೀನಿ.

`ನಕ್ಕಾಗ ಬೆಳದಿಂಗಳಂತೆ, ನೀನು ಅತ್ತಾಗ ಸಂಗೀತವು'........

4 comments:

mala rao said...

ಮೀರಾ
ಪೋಸ್ಟಿಂಗ್ ಚೆನ್ನಾಗಿದೆ
ನನಗಿನ್ನೊಂದು ಹಾಡು ನೆನಪಿಗೆ ಬಂತು ಪುನೀತ್ ಸಿನಿಮಾದ್ದ್ದು
ಆ ದೇವ ನಮಗಾಗಿ ತಂದಾ ಸಿರಿಯೇ
ಈ ಮನೆಯ ಸೌಭಾಗ್ಯ ನಿನ್ನಾ ನಗೆಯೇ
ಅಳಲೇನು ಚಂದ ನನ್ನ "ಪುಟ್ಟ ದೊರೆ "ಯೇ
ಹಾಯಾಗಿ ಮಲಗೂ ಜಾಣಮರೀಯೇ
ನನ್ನ ಜಾಣಮರಿಯೇ....

ನಿಶು....ಪುಟ್ಟ ದೊರೇ...
ಅಲ್ ಬೇದಪ್ಪಾ... ಅಮ್ಮಂಗೆ ಅತ್ತ ಅತ್ತ ಮಾಡನಾ...
-ಮಾಲಾ ಆಂಟಿ

mavinayanasa said...

ಯಾಕಪ್ಪಾ ಮಗೂನ ಅಳಿಸ್ತಿದ್ದಾರೆ? ನಿಷ್ಕರುಣಿಗಳು.

ಬಾರೊ ಪುಟ್ಟ, ಅಳ್ಬೇಡ.

ಅತ್ತಿತ್ತ ನೋಡದಿರು
ಅತ್ತು ಹೊರಳಾಡದಿರು
ನಿದ್ರೆ ಬರುವುದು ಹೊದ್ದು
ಮಲಗು ಮಗುವೇ

Meera said...

ಮಾಲ, ಹಾಡು ನೆನಪಿಸಿದ್ದಕ್ಕೆ ಥ್ಯಾಂಕ್ಸ್ ಕಣೆ. ನಿಶು-ಗೆ ಅತ್ತ ಗಿತ್ತ ಮಾಡೋದೆಲ್ಲ ಈಗ್ಲೇ ಹೇಳ್ಕೊಡ್ಬೇಡ ಮತ್ತೆ!

ತವಿಶ್ರೀ ಅವ್ರೆ, ಏನೂ ಯೋಚ್ನೆ ಮಾಡ್ಬೇಡಿ. ಅಳೋ ಮಗೂನ ಸಮಾಧಾನ ಮಾಡಿ ನಗಿಸಿದ್ದಾಗಿದೆ. `ಅತ್ತಿತ್ತ' ಹಾಡಿಗೆ ತುಂಬಾ ಥ್ಯಾಂಕ್ಸ್.

ಮೀರ.

Meera said...
This comment has been removed by a blog administrator.